نظام التعليم فى العام الدراسي الجديد 2020/2021
نظام الدراسة فى العام الدراسي الجديد يشغل كثير من اولياء الامور وذلك بسبب جائحة فيروس كورونا المستجد والاطمئنان على ذويهم وقد صرح الدكتور طارق شوقي، وزير التربية والتعليم والتعليم الفني، عن ملامح السنة الجديدة في منظومة التعليم، فذكر أنها اهتمام حديث العالم كله الان لوضع الاليات المناسبة لدخول المدارس، “عندنا وإحنا بنصمم شكل العام الدراسي الجديد لم يتبلور بعد بالكامل، بس فيه أدوات كثيرة جدا هنستخدمها”، موضحًا أن الوزارة ستضطر لاستخدام نموذج من التعليم المدمج، “اللي هو فيه جزء وجهًا لوجه وفيه جزء لاستخدام التعليم عن بعد، وده لا ينطبق على كل الأعمار”.
نظام العام الدراسي الجديد
واضاف وزير التربية والتعليم خلال مداخلته الهاتفية مع برنامج عمرو اديب “من كي جي kg 1 لحد 3 ابتدائي لازم يحضروا كل يوم، لأنهم في حاجة إلى التعامل مع المدرس، ولا يجب التعليم عن بعد مع هذه السنوات”، بينما الطلاب من الصف الرابع الابتدائي وحتى السادس الابتدائي، وكذلك طلاب المرحلة الاعدادية والثانوية من الممكن التعامل مع هذه المجموعة بأشكال تناسب فئتهم العمرية.
نظام التعليم فى العام الدراسي الجديد فى المرحلة الثانوية
وتابع: “الطلبة اللي في ثانوي دول مجموعة عندهم أدوات زي التابلت، وكل طلبة فصولهم مجهزة، وأكبر سنًا وعندهم مراجع وكده، حضورهم سيكون أقل كتير ممكن يبقى يومين في الأسبوع، بس ده مش كلام نهائي، الإعدادي هيحضر بعض الأيام، وباقي الحاجات هياخدها من البيت، بس ده عاوز شوية إجراءات، ورابعة وسادسة هيحضروا معظم الأسبوع ممكن ينقصهم يوم واحد”.
وواصل: “مش عاوزين فصل يزيد فيه عدد الطلبة عن المسافات الآمنة، أيًا كان كثافته السابقة، دي مسألة رياضية، بنوزع الطلبة على الفراغات اللي موجودة في المدرسة والأيام، بشكل يختلف من مدرسة لمدرسة، لأن كل مدرسة الجغرافيا بتاعتها مختلفة، ممكن تبقى مدرسة ابتدائي وبس أو ابتدائي وإعدادي، دي مسألة صعبة جدًا، اللي بتعمله الوزارة دلوقتي عملية ضخمة جدا، على مستوى 60 ألف مدرسة، نحاول لكل مدرسة من الـ60 ألف، نعيد توزيع الولاد والحصص والفراغات ونخرج نتيجة أن مفيش أي فصل أكثر من 20 طالبا أيًا كانت الكثافة السابقة”.
ايام الدراسة للعام الدراسي الجديد
حدد وزير التربية ولاتعليم ايام الدراسة فى العام الدراسي الجديد كالتالى :
* كي جي 1 حتي الصف الثالث الإبتدائي الحضور يوميآ
* من الصف الرابع حتي السادس الحضور 4 ايام اسبوعيآ
* الصف الأول والثاني والثالث الاعدادي الحضور 3 ايام اسبوعيآ
* الصف الأول والثانى والثالث الثانوي الحضور يومان اسبوعيآ
تابعوونا لتحصلوا على كل ماهو جديد فى عالم التعليم عبر شبكة الروميساء التعليمية