طريقة التسجيل في المعلمون أولاً
بعد إقرار حافز لمعلمات رياض الأطفال ومعلمى الصف الأول والموجهين كان من ضمن شروط الحافز التسجيل في برنامج المعلمون أولا ولذلك ننشر لكم التعريف بالبرنامج وطريقة التسجيل فيه.
نشر احد مرتادى موقع التواصل الاجتماعى فيس بوك على صفحته سؤال وجواب حول طريقة التسجيل في برنامج المعلمن أولا البرنامج التمهيدى
تعريف ببرنامج المعلمون أولا
س : هوا ايه موضوع معلم و افتخر ده ؟ و ايه موضوع الشارة دة ؟ و اخدها ازاي ؟
انا اقولك .
ج - " معلم و افتخر" دي مبادرة علي منتدي البرنامج التمهيدي للمعلمون اولا .
تعريف البرنامج التمهيدى للمعلمون أولا
س - و هوا ايه البرنامج التمهيدي دا اصلا ؟
ج- البرنامج التمهيدي دا دورة تدريبية علي النت تؤهلك للمشاركة في موقع المعلمون اولا .
س - طيب مين يشترك ؟ و يشترك ازاي ؟
ج - يشترك في الدورة التدريبية " البرنامج التمهيدي للمعلمون اولا " كل من يعطي حصص داخل المدرسة يعني كل المعلمين . , اما الاداريين و الاخصائيين (لأ).
طريقة التسجيل في برنامج المعلمون أولا البرنامج التمهيدى
يمكنك الاشتراك عن طريق الرابط التالي :
بتسجل بياناتك و بتملي البيانات المطلوبة . بعد التسجيل بتدخل علي الدورة التدريبية . بعد كدا بتسجل دخول ( ملحوظة: لو حد من مدرستك مسجلك خد منه اسم المستخدم و الباسوورد
س : وبعدين؟
ج : و بعدين يا سيدي بتسجل دخول من الصفحة دي
و تبدا في الدورة و دي حاجة بسيطة .
س: بسيطة ازاي ؟
ج : الدورة مجموعة من الصفحات ( فيديوهات و شرح) و شريط التقدم علي اليمين فوق بتتفرج علي الفيديوهات و ضغط علي التالي و تقرا الصفحات و تضغط علي التالي شريط التقدم هيبدا يتملي اخضر معاك . هتفضل تضغط علي التالي لحد ما يسألك الاسئلة بتجاوب عليها و برضه تضغط علي التالي . في النهاية هيظهر معاك رابط المنتديات تضغط عليه و تدخل علي منتدي البرنامج التمهيدي اللي في اللينك دا
علي الشمال فوق هتلاقي 3 ايقونات (ايقونة اسمك و الاشعارات - ايقونة القائمة - ايقونة البحث)
س: تمام و بعدين ؟
ج: شارك في المنتدي اعمل موضوعات و اعجابات و ردود - تفاعل في المنتدي يعني و جمع الشارات علشان تبقي من الاعضاء المتميزين و المشهورين . (ملحوظة): الشارات و شروطها هتلاقيها في القائمة او في اللينك دا
س: أمال ايه موضوع معلم و افتخر دا . دي فكرة و مبادرة من احد الاعضاء لتنمية روح الانتماء للمهنة و زيادة التفاعل و التواصل بين السادة المعلمون , و عملوا ليها " شارة معلم و افتخر" و هتلاقيها في الشارات في اللينك اللي فات
س: طب احصل علي شارة معلم و افتخر دي ازاي
ج: انت بعد ما تعمل تسجيل دخول للمنتدي بتدخل علي لينك مبادة معلم و افتخر اللي هتلاقيه في اللينك دا
مبادرة " معلم وأفتخر "
بس. بتتفاعل مع الموضوع يعني تعمل لايكات و تعمل ردود تعرض فيها جانب من شغلك و تميزك بعد ما توصل لحد معين من التفاعل هتحصل علي شارة معلم و افتخر . و كلنا هنقولك مبروك .
خليك فاكر ان دا مجرد البرنامج التمهيدي للمعلمون اولا يعني لما تخلص هتاخد كارت و تدخل علي موقع المعلمون اولا و تشارك مع مجتمع الممارسة
التىسجيل في برنامج المعلمون أولا يعتبر شرطا أساسيا للحصول على حافز معلمات رياض الأطفال وحافز معلمى الصف الأول الابتدائى الذى اقر في وقت سابق
تابعونا لمعرفة كل جديد ونشكر من شارك هذا المنشور وأعده