وزير التعليم: الثانوية العامة ستكون مرحلة امتحان لدخول الجامعة
قال الدكتور طارق شوقى، وزير التربية والتعليم، "إن امتحان الثانوية العامة كان بمثابة معركة لدرجة ان القوات المسلحة كانت تساعدنا، واحنا عملنا فى الثانوية امتحانين وهناخد الأفضل منهم والطالب هيمتحن 12 امتحان والتقييم هيكون خلال 3 سنين وهى مرحلة واحدة وليست ثانوية عامة وانما مرحلة امتحان دخول الجامعة، وهناخد امتحانين كل تيرم ونحتفظ بيهم ثم التيرم اللى بعديه وهندى الطالب 12 فرصة وهناخد 6 منهم وهنغير الأسئلة لتعتمد على الفهم وليس الحفظ، وهنقسم الأسئلة لمستويات صعوبة والامتحانات هتكون مختلفة فى المحافظات حتى لا يتم حفظها ولن تكون فى نفس الوقت، فالمدرسة هتطلب امتحان الاسبوع الجاى هنعد لها الامتحان وهكذا ولن تكون فى ميعاد واحد، وده هيقضى على الدروس الخصوصية، والأولاد هتبدتى تفكر، لأننا حرمناهم من ذلك وعندنا الأطفال بتسأل كتير وده دليل على حب المعرفة والتعامل السيئ بيظلم الطفل، واحنا بنحاول نوقف هذا النزيف".
وأوضح الوزير خلال مشاركته بندوة بأحد فنادق القاهرة، "أن وقف النزيف الموجود هيبدأ من الثانوية والنظام الجديد هيبدأ من رياض الأطفال، وعايزين الأهالى تساعدنا على ده أنها تحاول تفهم الأولاد وتساعدهم على الفهم، ولن يكون هناك امتحان موحد، وبطل دروس خصوصية وعايزين نسأل الطالب تعلمت اية مش جبت كام درجة".